侠医｜谭凯琪张曦雯“非一般”姊妹情 演自闭角色难度高

TVB剧《侠医》昨晚（8日）播出第6集，剧情集中罗颖茵（谭凯琪Zoie饰）及罗颖琛（张曦雯Kelly饰）两姊妹身上！

颖茵由于患有自闭症，对于不少生活细节，包括食三色豆时的排序、衣服颜色及款式配搭、食早餐时间、想做的事情、要看的书，及坚持要吃“卜卜脆”食物等，都有一定程度执著、甚至说是绝不让步，因而闹出不少麻烦及笑话。

其中一幕颖茵强迫颖琛晨早流流起身煮早餐场口，笑料十足！剧情讲述颖茵6点钟未到就叫醒熟睡中的妹妹颖琛起身煮早餐，原本已精神不足的颖琛，以生无可恋tone为家姐一早规定好的“三勺半Cereal”，不过颖茵却有感颖琛多了半勺、遂腌臢地将多出来的半勺Cereal倒回container中；之后颖茵又批评颖琛整的多士“唔够脆”，及燶边蛋未够燶边，更不断叫颖琛再整过，令颖琛几陷崩溃，相当搞笑。

对于这段既搞笑、苦恼但又温馨的，网民讚张曦雯有喜感；至于Zoie的招牌童颜，及每次都必定带来新鲜感的演出，亦获得认证。

对于网民受落新角色，Zoie舒一口气，她透露事前确实做了不少功课：“我有睇咗啲documentary，知道有好多唔同类型嘅自闭症，有啲静啲、有啲好锺意讲嘢，同埋佢哋好锺意一样嘢、就会即刻去研究！

咁我个角色就係对颜色好有执著，同埋要好有规律，比如食嘢要有次序、要排到好整齐，我都尽量做多啲呢啲细节位，希望可以演番出个特性，所以演嗰时成日提自己，一有呢啲嘅场口要尽量做多啲”、

“另外我都有参考一啲讲自闭症嘅影集，同埋有联络过自闭症协会等等嘅相关组织，向协会啲人了解吓自闭症同埋相关Case，睇吓可唔可以摆到啲Case落去套剧。例如有啲患者佢哋可能会大叫或者揼地，我就尽量抽一啲唔好咁小朋友嘅嘢嚟演，因为都想演出嚟唔好同观众想像争太远。都难㗎，好似讲嘢嘅节奏，佢哋一般都好平，但监制陈萍会想我演得生动啲，即係有时我比较冇乜太多表情时，佢就要我生鬼番啲，要一路演一路tune，tune番啱角色定位同年纪。”

谈到剧中角色为张曦雯带来不少麻烦，Zoie笑言主要灵感是来自囡囡：“比如食早餐，因为我个角色锺意食卜卜脆嘅嘢，一食到觉得唔够脆嘅，就会即刻揼落去Kelly个碗度，当佢个碗係垃圾桶咁，哈哈！我觉得呢个角色都有少少似我个女，又係唔好食嗰啲嘢，佢就摆落我个碗度囉！我就拎咗佢呢啲嘢放落套剧度。”

身为人母的Zoie，现实生活中自理能力如何时，她笑言全靠囡囡“训练”，令她由不懂照顾别人的人、变成可以照顾别人生活细节的人：“生活上可能大事方面，就係我老公照顾我，但係小事好似生活细节位、衣食住行呢啲，都係我理；我本身唔係一个好识照顾人嘅人嚟，不过有咗个女之后，我觉得自己细心咗，同埋会谂多几步，都係一个好好嘅训练嚟。”